Կարմրախտ

Կարմրախտը վարակիչ վիրուսային հիվանդություն է, որը սովորաբար առաջացնում է թեթև ջերմություն, թեթև ցան և այտուցված ավշային հանգույցներ: Թեև դեպքերի մեծ մասը ծանր չեն, եթե հղի կինն իր հղիության վաղ շրջանում վարակվում է կարմրախտով, վիրուսը կարող է փոխանցվել նրանից պտղին արյան միջոցով, ինչը կարող է հանգեցնել բնածին արատների կամ նույնիսկ պտղի մահվան:

Ինչպե՞ս է տարածվում կարմրախտը:

Կարմրախտը փոխանցվում է վարակված անձի քթի կամ կոկորդի արտազատումների հետ անմիջական շփման ժամանակ: Այն կարող է տարածվել նաև օդում բաց թողնված կաթիլների միջոցով, երբ վարակվածը փռշտում է, հազում կամ խոսում:

Որո՞նք են կարմրախտի ախտանիշները:

Կարմրախտը սովորաբար թեթև հիվանդություն է, որը կարող է քիչ ախտանիշներ առաջացնել կամ ընդհանրապես որևիցէ ախտանշան չդրսևորել: Երբ ախտանշաններն ի հայտ են գալիս, դրանք կարող են ներառել ցան, թեթև ջերմություն, հոդացավ, գլխացավ, ընդհանուր անհանգստություն, քթահոսություն, կոկորդի ցավ և աչքերի կարմրություն: Ականջների հետևում և պարանոցի հետևում գտնվող ավշային հանգույցները կարող են այտուցվել՝ առաջացնելով ցավ։ Ցանը, որը կարող է քոր առաջացնել, սկսվում է դեմքից և տարածվում դեպի ներքև, ինչը սովորաբար անցնում է երեք օրից: Հիվանդության դեպքերի կեսում ցանը բացակայում է:

Որքա՞ն շուտ են ի հայտ գալիս ախտանշանները:

Կարմրախտի ինկուբացիոն շրջանը 14 օր է; 12-ից 23 օր տևողությամբ:

Որո՞նք են կարմրախտի բարդությունները:

Բարդություններն ավելի հաճախ հանդիպում են տարեց կանանց մոտ, ովքեր կարող են ունենալ արթրիտ կամ հոդացավ, հատկապես մատների, դաստակների և ծնկների շրջանում: Այս ախտանիշները սովորաբար անհետանում են ցանի հայտնվելուց հետո մեկ ամսվա ընթացքում:

Հղիության առաջին եռամսյակում՝ կարմրախտով վարակման պատճառով, մինչև 85 տոկոս դեպքերում կարող են զարգանալ բնածին արատներ և/կամ նյարդաբանական խնդիրներ (որոնք հայտնի են որպես բնածին կարմրախտի համախտանիշներ անվանմամբ):

Ո՞րն է կարմրախտի բուժումը:

Կարմրախտի համար հատուկ բուժում չկա:

Ե՞րբ եւ ինչքա՞ն ժամանակ կարող է որևէ մեկը կարմրախտ տարածել:

Կարմրախտը կարող է փոխանցվել ցանի հայտնվելուն նախորդող յոթ օրերից մինչև ցանի առաջանալուց յոթ օր անց ընկած ժամանակահատվածում։

Արդյո՞ք կարմրախտի նախկին վարակը իմունիտետ է ապահովում:

Այո՛։ Կարմրախտով վարակված լինելուց հետո ձեռք բերված իմունիտետը սովորաբար պահպանվում է կյանքի ընթացքում:

Ի՞նչ է կարմրախտի դեմ պատվաստանյութը:

Կարմրախտի դեմ պատվաստանյութը կարմրուկի, խոզուկի և կարմրախտի համակցված պատվաստանյութի մի մասն է: Վերարտադրողական տարիքի կանայք պետք է ստուգեն իրենց իմունիտետը և անհրաժեշտության դեպքում ստանան պատվաստանյութը: