Կարճատեսություն

Կարճատեսություն

Կարճատեսություն
Կարճատեսությունը ռեֆրակցիոն շեղում է, որը դժվարացնում է հեռավոր առարկաները հստակ տեսնելը: Թեև կարճատեսությունը սովորաբար սկսվում է մանկությունից, շատերը ձեռք են բերում այն ավելի ուշ: Մեծահասակների մոտ կարճատեսությունը կարող է առաջանալ մի շարք գործոններից, ինչպիսիք են՝ գենետիկան, շրջակա միջավայրի ազդեցությունը, ապրելակերպի փոփոխությունները և որոշակի առողջական խնդիրները, ինչպես նաև կատարակտի զարգացումը:

Կարճատեսության աճին նպաստող հիմնական գործոնը էկրանի դիմաց անցկացրած ժամանակն է: Ժամանակակից աշխարհում կյանքի անխուսափելի մաս են կազմում համակարգիչները, սմարթֆոնները և այլն, լինի դա առօրյա կյանքում, թե աշխատանքի և ուսման մեջ: Հետազոտությունները ցույց են տալիս ևս մեկ պատճառ, որը կարող է նպաստել կարճատեսության ցուցանիշների աճին, այն է բացօթյա զբոսանքի բացակայությունը:

Այնուամենայնիվ, կարճատեսությունը միակ մտահոգությունը չէ կապված էկրանի դիմաց երկար ժամանակ անցկացնելու հետ:

Աչքի թվային լարվածություն

. Սա մի խնդիր է, որին բախվում են թվային էկրանների կանոնավոր օգտագործողների առնվազն 50%-ը: Այնպիսի ախտանիշներ, ինչպիսիք են գլխացավը, մշուշոտ տեսողությունը և աչքերի ցավը կամ քորը, թվային աչքի լարվածության նշաններն են:

Չոր աչք

. Երբ կենտրոնանում ենք մոտիկ օբյեկտների վրա, օրինակ՝թվային էկրանի դիմաց աշխատելիս, մենք հակված ենք ավելի քիչ թարթել, ինչը կարող է հանգեցնել աչքերի մակերեսի չորացմանը: Չոր աչքի ախտանիշները կարող են տարբեր լինել, բայց սովորաբար ներառում են չորություն, կարմրություն, գրգռվածություն, արցունքահոսության, ցավ և երբեմն մշուշոտ տեսողություն:

Կարճատեսություն
Մեծահասակների մոտ առաջացած կարճատեսությունը կարող է զգալիորեն խաթարել առօրյա կյանքը, ազդելով ամեն ինչի վրա՝ կարդալուց մինչև մեքենա վարելը: Կարճատեսության առաջացմանը նպաստող գործոնները հասկանալը կարևոր է կանխարգելիչ միջոցառումներ ձեռնարկելու և ձեր տեսողությունը պաշտպանելու համար: Գենետիկան, շրջակա միջավայրի ազդեցությունը, ապրելակերպի ընտրությունը, աշխատանքային պայմանները և առողջական վիճակը նպաստում են մեծահասակների մոտ կարճատեսության զարգացման հավանականությանը: Իմանալով այս գործոնների մասին, մարդը կարող է ակտիվ քայլեր ձեռնարկել կանխարգելելու կարճատեսությունը: Կանխարգելիչ գործողությունների մեջ են մտնում աշխատանքի ընթացքում կանոնավոր ընդմիջումներ անելը, դրսում ավելի շատ ժամանակ անցկացնելը, առողջ ապրելակերպի, տեսողության հիգիենայի պահպանմանը և աչքի կանոնավոր ստուգումները:

Վաղ ախտորոշումը և կանխարգելումը կարևոր են կարճատեսության կառավարման և աչքերի երկարատև առողջության պահպանման համար: Մեր օրերում հասանելի են առաջադեմ ախտորոշիչ գործիքներ և բուժման եղանակներ, որոնք կօգնեն բուժել կարճատեսությունը: Աչքի կանոնավոր ստուգումները երաշխավորում են տեսողության ցանկացած փոփոխության վաղ հայտնաբերումը, ինչը թույլ է տալիս ժամանակին և արդյունավետ կանխարգելել վատթարացումը: Դուք կարող եք ստուգել ձեր տեսողությունը Դալիմեդ ԲԿ-ում, որտեղ մեր փորձառու մասնագետները կանցկացնեն ստուգումը բարձր հոգատարությամբ և մասնագիտական փորձառությամբ:

Հազ
02 Ապրիլ 2025
Հազը բնական ռեֆլեքս է, որն օգնում է ձեր մարմնին մաքրել գրգռիչները կոկորդից և թոքերից: Երբեմն հազը բնականոն է և առողջարար: Այնուամենայնիվ, հազը, որը տևում է շաբաթներ կամ առաջացնում է անգույն կամ արյունոտ լորձ, կարող է վկայել բժշկական խնդրի մասին: Հազը դասակարգվում է որպես «սուր», եթե դրանք տևում են երեք շաբաթից պակաս, և «քրոնիկ», եթե դրանք շարունակվում են ավելի քան ութ շաբաթ մեծահասակների մոտ կամ չորս շաբաթ երեխաների մոտ:Հազի ընդհանուր պատճառները Շատ բաներ կարող են առաջացնել հազ, այդ թվում՝ Գրգռիչներ կամ ալերգեններ • Ծուխը. • Ուժեղ բույրեր. • Բորբոսը. • Փոշի. • Կենդանիների թեփը. • Լորձ. • Որոշ դեղամիջոցներ: Պայմաններ, որոնք առաջացնում են սուր կամ կարճատև հազ • Մրսածություն. • Գրիպ. • Սուր բրոնխիտ կամ բրոնխիոլիտ. • Սինուսիտ. • Թոքաբորբ. • Սուր ալերգիկ ռեակցիա • Կապույտ հազ. • Ասթմա. • Ալերգիա. • Երկրորդական կամ երրորդական ծխի ազդեցություն:
ՈՒլտրաձայնային հետազոտություն
01 Ապրիլ 2025
ՈՒլտրաձայնային հետազոտությունը բժշկական պրոցեդուրա է, որի ժամանակ օգտագործվում են բարձր հաճախականության ձայնային ալիքներ, մարմնի ներսից իրական ժամանակում պատկերներ ստանալու համար:Տվյալ ձայնային ալիքները անվնաս են և չեն ներառում ճառագայթում, ինչը ուլտրաձայնը դարձնում է հղիության ընթացքում զարգացող պտղի մոնիտորինգի նախընտրելի մեթոդ, ի տարբերություն ռենտգենյան կամ CT սկանավորման: ՈՒլտրաձայնային սկանավորումն օգտագործվում է մեր մարմնի ներքին կառուցվածքների, օրգանների, օրգան համակարգերի, մկանների, ջլերի, փոփոխված ավշահանգույցների կամ արգանդի խոռոչում գտնվող պտղի պատկերը ստանալու համար: ՈՒլտրաձայնային հետազոտության պատճառները կարող են ներառել. •Ցավը, նորագոյացությունների կասկածը, լեղապարկում, երիկամներում քարերի առկայության կասկածը, սրտխառնոցը, բերանում դառնահամը, աղիների փքվածությունը, մաշկի, լորձաթաղանթների դեղնությունը, երկարատև արյունահոսությունները արգանդից, կլման ակտի խանգարումները, նյարդային դյուրագրգիռ վիճակը, սրտխփոցը, երկարատև ջերմելը և այլն: •Բժշկական մոնիտորինգ •Տարբեր բժշկական պրոցեդուրաների մասնակցությունը •Հղիության ընթացքում պտղի զարգացման ստուգում
Էխոսրտագրություն
27 Մարտ 2025
Էխոսրտագրությունը (կամ «էխո») ուլտրաձայնային թեստի տեսակ է, որն օգտագործվում է ձեր սրտի շարժվող պատկերները ստանալու համար: Հետազոտության ընթացքում փոքրիկ սարքը տեղադրվում է ձեր կրծքավանդակի վրա՝ բարձր հաճախականությամբ ձայնային ալիքներ արձակելու համար, որոնք ստեղծում են ձեր սրտի փորոքների և փականների պատկերները: Դրանք օգնում են սրտաբանին գնահատել սրտի ընդհանուր վիճակը: Էխո հետազոտությունը հաճախ ներառում է դոպլերային ուլտրաձայնային և գունավոր դոպլերային տեխնիկա՝ ձեր սրտի փականներով արյան հոսքը գնահատելու համար: Այս լրացուցիչ հատկանիշները թույլ են տալիս ավելի մանրամասն գնահատել սրտի վիճակը: Ի տարբերություն այլ ախտորոշիչ մեթոդների, ինչպիսիք են ռենտգենը կամ ԿՏ սկանավորումը, էխոկարդիոգրաֆիան չի ներառում ճառագայթում, ինչը դարձնում է այն ավելի անվտանգ տարբերակ ձեր սրտի կառուցվածքը և աշխատանքը գնահատելու համար: Էխոսրտագրություն լի փոխարինում ԷԿԳ-ին և հակառակը Թեև և՛ էխոսրտագրությունը, և՛ էլեկտրասրտագրությունը (ԷԿԳ կամ ԷՍԳ) օգտագործվում են սրտային հիվանդությունների ախտորոշման համար,այնուամենայնիվ դրանք տարբեր հետազոտման մեթոդներ են և չեն փոխարինում մեկը մյուսին: • Էխոն գնահատում է ձեր սրտի կառուցվածքը և ֆունկցիան՝ տրամադրելով նրա վիճակի և շարժման դինամիկ պատկերներ: • ԷԿԳ-ն գրանցում է ձեր սրտի էլեկտրական ակտիվությունը և ստեղծում գրաֆիկ, որը ցույց է տալիս ձեր սրտի հաճախությունը և ռիթմը:
Ցածր հեմոգլոբին
26 Մարտ 2025
Ցածր հեմոգլոբինը մի վիճակ է, երբ ձեր հեմոգլոբինի մակարդակը նորմայից ցածր է: Հեմոգլոբինը պիտակուց է, որը գտնվում է արյան կարմիր բջիջներում և տեղափոխում է թթվածինը ամբողջ մարմնով, որն անհրաժեշտ է էներգիայի և բջիջների աշխատանքի համար: Ցածր հեմոգլոբինը կարող է տարբեր պատճառներ ունենալ, ինչպիսիք են՝ անեմիա կամ նույնիսկ քաղցկեղ: Երբ հեմոգլոբինի մակարդակը նվազում է, ձեր մարմինը պայքարում է բավարար քանակությամբ թթվածին ստանալու համար, ինչը հանգեցնում է հոգնածության և թուլության:Հեմոգլոբինի ցածր մակարդակի պատճառ կարող են դառնալ մի քանի գործոններ. • Ոսկրածուծի վրա ազդող պայմանների պատճառով մարմինը անբավարար արյան կարմիր բջիջներ է արտադրում: • Արյան կարմիր բջիջները ավելի արագ են մահանում, քան դրանք փոխարինվում են: • Վնասվածքներից, հիվանդություններից կամ այնպիսի պայմաններից, ինչպիսիք են ուժեղ դաշտանները կամ ներքին արյունահոսությունը (օրինակ՝ խոցերը) արյան կորուստը կարող է սպառել երկաթը և իջեցնել հեմոգլոբինը: • Երկաթի վատ կլանումը խանգարում է արյան կարմիր բջիջների արտադրությանը: • Էական սննդանյութերի պակասը, ինչպիսիք են երկաթը, վիտամին B12-ը և B9-ը, կարող են հանգեցնել ցածր հեմոգլոբինի:

Կցանկանա՞ք, որ մենք ձեզ հետ զանգենք։

Լրացրեք պարտադիր դաշտերը

Սպասում եմ զանգի

Մենք կօգնենք ձեզ արագ գտնել այն, ինչ ձեզ հարկավոր է:

Շնորհակալություն
Մեր աշխատակիցը շուտով կկապվի Ձեզ հետ
Փակել
dalimed medical
Ինչպե՞ս կարող ենք օգնել
Թողեք ձեր հեռախոսահամարը և մենք կզանգահարենք ձեզ
Պատվիրել զանգ
Ես համաձայն եմ անձնական տվյալների մշակման պայմաններին
Շնորհակալություն
Մեր աշխատակիցը շուտով կկապվի Ձեզ հետ
Փակել