Ապենդիցիտ

Գարունը ուրախացնում է ծառերի ու խոտերի ծաղկումով, բայց սեզոնային ալերգիա ունեցող մարդկանց համար սա նշանակում է անվերջ փռշտոց, հարբուխ և աչքերի քոր։ Ալերգիկ ռինիտը կարող է լրջորեն իջեցնել կյանքի որակը, սակայն կան ապացուցված մեթոդներ, որոնք օգնում են վերահսկել ախտանիշները։ 1. Կրճատե՛ք շփումը ալերգենների հետ Ախտանիշները մեղմելու հիմնական միջոցը փոշու հետ շփումը նվազագույնի հասցնելն է։ Չոր, քամոտ եղանակին ավելի լավ է մնալ տանը, իսկ զբոսանքից հետո պարտադիր փոխել հագուստը և ցնցուղ ընդունել։ Մի՛ չորացրեք հագուստը դրսում, քանի որ գործվածքն արագ ծածկվում է փոշուց։ Այգում և բանջարանոցում աշխատանքը նույնպես կարող է սրացում առաջացնել, ուստի օգտագործեք պաշտպանիչ դիմակ։ 2. Հաշվի առեք փոշու մակարդակը Երբեմն բավական է հետևել կանխատեսմանը։ Երբ օդում փոշին հատկապես շատ է, ավելի լավ է նախապես դեղորայք ընդունել, փակել պատուհանները և սահմանափակել առավոտյան զբոսանքները։ Դուրս գալ ավելի լավ է անձրևից հետո, քանի որ օդն զգալիորեն մաքրվում է։ 3. Ապահով դարձրեք օդը տանը Ալերգենները շենքից ամբողջությամբ հեռացնելն անհնար է, բայց կարելի է նվազեցնել դրանց քանակը։ Դրա համար՝ • Օգտագործեք օդորակիչ և մաքրման նուրբ ֆիլտրեր։ • Պարբերաբար փոշեկուլով մաքրում արեք։ • Խոնավությունը վերահսկեք խոնավացուցիչի միջոցով։ 4. Դեղատնային միջոցների օգնությունը Ժամանակակից առանց դեղատոմսի դեղամիջոցները կարող են զգալիորեն բարելավել ձեր վիճակը։ Հակահիստամինային հաբերը նվազեցնում են փռշտոցը, քորը և հարբուխը, իսկ կորտիկոստերոիդային քթի սփրեյները օգնում են հաղթահարել քթի փակվածությունը։ Աղի լուծույթները անվտանգ են և լավ են մաքրում ալերգենները քթից։ Ցանկացած միջոց երկարատև օգտագործելուց առաջ ավելի լավ է խորհրդակցել բժշկի հետ։ 5. Երբ տնային մեթոդները չեն օգնում Եթե ախտանիշները մնում են ուժեղ, բժիշկը կարող է թեստեր նշանակել՝ կոնկրետ ալերգենը հայտնաբերելու համար։ Որոշ դեպքերում առաջարկվում է ալերգեն-սպեցիֆիկ իմունոթերապիա (ներարկումներ կամ հաբեր՝ լեզվի տակ), որը ժամանակի ընթացքում նվազեցնում է օրգանիզմի զգայունությունը։ Սա երկարաժամկետ բուժման ամենաարդյունավետ մեթոդներից մեկն է։ Ալերգիան չպետք է զրկի ձեզ գարնանային օրերի ուրախությունից։ Կարևոր է հիշել որքան շուտ դիմեք բժշկի և սկսեք վերահսկել ախտանիշները, այնքան ավելի հեշտ կլինի հաղթահարել սրացումները։

Կրծքագեղձերի ուլտրաձայնային հետազոտությունը ժամանակակից և անվտանգ ախտորոշիչ մեթոդ է, որը թույլ է տալիս բժշկին ստանալ կրծքի ներքին կառուցվածքների հստակ պատկերներ։ Ի տարբերություն մամոգրաֆիայի, ՈւՁՀ-ն կապված չէ ճառագայթային ծանրաբեռնվածության հետ և հատկապես օգտակար է հյուսվածքների առանձին հատվածների ավելի մանրամասն ուսումնասիրության համար։ Ի՞նչ է ցույց տալիս կրծքագեղձի ՈւՁՀ-ն։ Ուլտրաձայնային հետազոտության միջոցով բժիշկը կարող է. • որոշել, թե արդյոք գոյացությունը հեղուկով լցված կիստա է (հիմնականում բարորակ), թե խիտ գոյացություն, որը պահանջում է լրացուցիչ հետազոտություն։ • զննել կասկածելի հատվածները մամոգրաֆիայից հետո։ • վերահսկել բիոպսիայի գործընթացը՝ հյուսվածքի նմուշ վերցնելու համար ճշգրիտ հատվածից։ Ե՞րբ է նշանակվում կրծքագեղձի ՈւՁՀ։ Հետազոտությունը խորհուրդ է տրվում հետևյալ դեպքերում. • երբ անհրաժեշտ է ճշտել մամոգրաֆիայի արդյունքները։ • կրծքի մեջ գոյացություն կամ գունդ է շոշափվում։ • առաջանում է տեղային ցավ կամ անհանգստություն։ • առկա է կրծքագեղձի հյուսվածքների խիտ կառուցվածք (այս դեպքում մամոգրաֆիան կարող է պակաս տեղեկատվական լինել)։ • հիվանդը ավելի երիտասարդ է, քան այն տարիքը, երբ խորհուրդ է տրվում մամոգրաֆիայի կանոնավոր սքրինինգ։ Սահմանափակումներ և առավելություններ ՈւՁՀ-ն անվտանգ է, հակացուցումներ չունի և կարող է կատարվել բազմիցս։ Մեթոդը չի փոխարինում մամոգրաֆիային, քանի որ հիմնականում ընդգրկում է առանձին հատվածներ, այլ ոչ թե կրծքագեղձի ողջ հյուսվածքը։ Ամենաարդյունավետն է օգտագործել ՈւՁՀ-ն այլ ախտորոշիչ մեթոդների հետ համատեղ, հատկապես կրծքի քաղցկեղի բարձր ռիսկի դեպքում։ Ե՞րբ դիմել բժշկի։ Պարտադիր գրանցվեք ընդունելության, եթե նկատել եք. • նոր կամ փոփոխվող գոյացություն կրծքում։ • մաշկի ներքաշում, փոսիկների կամ այլ անսովոր փոփոխությունների առաջացում։ • արտահոսք պտուկներից, պտուկի ներքաշում կամ դեֆորմացիա։ • կրծքի իմպլանտի վնասվածքի կամ պատռվածքի կասկած։ Ինչու՞ է կարևոր ժամանակին անցնել հետազոտություն։ Ժամանակին ախտորոշումը առողջությունը պահպանելու բանալին է։ Որքան շուտ հայտնաբերվի կրծքագեղձի փոփոխությունը, այնքան բարձր են հաջող բուժման և կյանքի որակը պահպանելու հնարավորությունները։ Եթե նկատել եք որևէ փոփոխություն կամ ցանկանում եք անցնել կանխարգելիչ հետազոտություն, դիմեք «Դալիմեդ» բժշկական կենտրոն։ Այստեղ աշխատում են փորձառու մասնագետներ, ովքեր կօգնեն ձեզ պահպանել ձեր առողջությունը և վստահությունը ապագայում։

Սրտանոթային հիվանդությունները մահացության պատճառների մեջ աշխարհում առաջին տեղերից են զբաղեցնում։ Սակայն շատ դեպքերում դրանք կարելի է կանխարգելել՝ ժամանակին փոխելով կենսակերպը և ուշադրություն դարձնելով պրոֆիլակտիկային։ Սրտի մասին հոգ տանելը ոչ միայն երկար կյանքի, այլև դրա որակի մասին է. ավելի շատ էներգիա, ակտիվություն և լավ ինքնազգացողություն ամեն օր։ Մենք հավաքել ենք 5 հիմնական խորհուրդ, որոնք կօգնեն պահպանել սրտի առողջությունը և նվազեցնել հիվանդությունների զարգացման ռիսկերը։ 1. Հրաժարվեք ծխելուց: Ծխելը սրտի և անոթների գլխավոր թշնամիներից մեկն է։ Ծխախոտի մեջ պարունակվող նիկոտինը և այլ նյութեր վնասում են անոթների պատերը, դարձնում դրանք պակաս ճկուն և մեծացնում սրտի ծանրաբեռնվածությունը։ Նույնիսկ ծխախոտի ծխի պասիվ ներշնչումը վտանգավոր է։ Լավ նորությունն այն է, որ ծխելը թողնելու դրական ազդեցությունը շատ արագ է ի հայտ գալիս։ Արդեն 24 ժամ անց սրտի կաթվածի ռիսկը նվազում է, իսկ մեկ տարի անց սրտանոթային հիվանդությունների հավանականությունը կրճատվում է գրեթե կիսով չափ։ 2. Շարժվեք ամեն օր: Սիրտը սիրում է շարժում ։ Կանոնավոր ֆիզիկական ակտիվությունը ամրապնդում է սրտի մկանը, բարելավում արյան շրջանառությունը և իջեցնում «վատ» խոլեստերինի մակարդակը։ Ընդ որում, խոսքը պարտադիր չէ մարզասրահ կամ մարաթոններ գնալու մասին. բավական է օրական 30-60 րոպե չափավոր ակտիվություն։ Դա կարող է լինել արագ քայլք, լող, հեծանիվ, պարեր կամ նույնիսկ պարտեզում աշխատելը։ Կարևոր է, որ շարժումը հաճույք պատճառի, այդ դեպքում այն կդառնա ձեր կյանքի մի մասը։ Նույնիսկ կարճ ծանրաբեռնվածությունները, օրինակ՝ վերելակի փոխարեն աստիճաններով բարձրանալը, արդեն օգտակար են։ 3. Հավասարակշռված սննդակարգ: Այն, ինչ մենք ուտում ենք, անմիջականորեն ազդում է սրտի վրա։ Սխալ սնունդը բարձրացնում է խոլեստերինի մակարդակը, նպաստում քաշի ավելացմանը և դիաբետի զարգացմանը։ Օգտակար է սննդակարգում ներառել՝ թարմ բանջարեղեն և մրգեր, հատիկաընդեղեն և ամբողջահատիկ ուտելիքներ, ոչ յուղոտ միս և ձուկ, որը հարուստ է օմեգա-3 ճարպաթթուներով, ընկույզ, սերմեր, ձիթապտղի յուղ և ավոկադո։ Արժե սահմանափակել՝ աղը և նատրիումով հարուստ սնունդը, քաղցրավենիքն ու քաղցր ըմպելիքները, արագ սնունդը և վերամշակված մթերքները, յուղոտ կարմիր միսը և տրանսճարպերը։ 4. Քաշի վերահսկում և որակյալ քուն: Ավելորդ քաշը, հատկապես որովայնի շրջանում, լուրջ ռիսկի գործոն է։ Այն մեծացնում է հիպերտոնիայի, դիաբետի և խոլեստերինի բարձր մակարդակի հավանականությունը։ Նույնիսկ քաշի փոքր կորուստը (մարմնի քաշի 3-5%-ը) դրականորեն է ազդում սրտի աշխատանքի և նյութափոխանակության վրա։ Ոչ պակաս կարևոր է նաև քունը։ Մարդիկ, որոնք քնում են օրական 6-7 ժամից պակաս, ավելի հաճախ են տառապում բարձր ճնշումից և սրտի ռիթմի խանգարումներից։ Փորձեք քնել և արթնանալ միևնույն ժամին, ստեղծեք հանգիստ մթնոլորտ ննջասենյակում և հրաժարվեք գաջեթներից քնելուց առաջ։ 5. Կանոնավոր հետազոտություններ: Ինքնազգացողությունը միշտ չէ, որ արտացոլում է սրտի իրական վիճակը։ Բարձր ճնշումը կամ բարձր խոլեստերինի մակարդակը կարող են երկար ժամանակ չդրսևորվել ախտանշաններով։ Ուստի պրոֆիլակտիկ հետազոտությունները կենսականորեն անհրաժեշտ են։ Խորհուրդ է տրվում պարբերաբար ստուգել՝ զարկերակային ճնշումը, խոլեստերինի մակարդակը և արյան շաքարի մակարդակը։ Եթե ունեք ընտանեկան նախատրամադրվածություն, ավելորդ քաշ կամ քրոնիկական հիվանդություններ, ապա հետազոտություններ պետք է անցնել ավելի հաճախ։ Բժիշկը կարող է ժամանակին հայտնաբերել խնդիրները և նշանակել բուժում կամ պրոֆիլակտիկա։ Ձեր սիրտը աշխատում է առանց դադարի՝ ապահովելով կյանք օրգանիզմի յուրաքանչյուր բջջի համար։ Այն արժանի է հոգատարության։ Վնասակար սովորույթներից հրաժարվելը, ճիշտ սնունդը, ակտիվությունը և պրոֆիլակտիկան պարզ քայլեր են, որոնք կօգնեն այն առողջ պահել երկար տարիներ։ Բայց ամենակարևորը բժշկի այցը հետաձգելը չէ։ Նույնիսկ եթե դուք ձեզ լավ եք զգում, կանոնավոր հետազոտությունները կօգնեն կանխել թաքնված ռիսկերը։ Դալիմեդ բժշկական կենտրոնում դուք կարող եք անցնել հետազոտություն, ստանալ սրտաբանի խորհրդատվություն և անհատական խորհուրդներ՝ սրտի առողջությունը պահպանելու համար։ Խնամեք ձեզ այսօր, որպեսզի վաղը ապրեք ակտիվ և երջանիկ։

Պարաթիրոիդ հորմոնը (ՊԹՀ) միաշղթա 84 ամինաթթվային պեպտիդ է, որը արտադրվում է հարվահանաձև գեղձի կողմից՝ ի պատասխան իոնիզացված կալցիումի արտաբջջային կոնցենտրացիայի նվազման։ Նրա հիմնական դերը շիճուկում կալցիումի մակարդակի բարձրացումն է՝ խթանելով կալցիումի արտազատումը ոսկրերիից և երիկամային ռեաբսորցիան դիստալ խողովակում: Պրոքսիմալ խողովակում ՊԹՀ -ն խթանում է կալցիտրիոլի սինթեզը, որն իր հերթին մեծացնում է կալցիումի կլանումը աղիներում և էնդոկրին հետադարձ կապ է ստեղծում ՊԹՀ -ի սեկրեցիայի վրա պարաթիրոիդ գեղձի մակարդակում: Պարաթհորմոնը նվազեցնում է նաև ֆոսֆատի ռեաբսորբցիան երիկամների պրոքսիմալ խողովակում, դրանով իսկ նվազեցնելով ֆոսֆատի քանակը շիճուկում։ Պարաթիրոիդ գեղձի խանգարումները հանգեցնում են արյան մեջ կալցիումի մակարդակի բարձրացման կամ նվազման (հիպերկալցեմիա կամ հիպոկալցեմիա), որն առաջանում է պարաթիրոիդ գեղձի սեկրեցիայի փոփոխության պատճառով։ Պարաթիրոիդ հորմոնի գերարտադրությունը կոչվում է հիպեպարաթիրեոզ: Տարբերում են` 1. Առաջնային հիպերպարաթիրեոզ: Հաճախ առաջանում է հարվահանաձև գեղձերից մեկի վրա բարորակ ուռուցքի (ադենոմա) պատճառով: Այլ պատճառներից են գեղձերի մեծացումը (հիպերպլազիան) կամ, հազվադեպ, հարվահանաձև գեղձի քաղցկեղը: 2. Երկրորդային հիպերպարաթիրեոզ: Առաջանում է որպես արյան մեջ կալցիումի ցածր մակարդակի արձագանք՝ պայմանավորված քրոնիկ երիկամային անբավարարությամբ, վիտամին D-ի անբավարարությամբ կամ ֆոսֆատի չափազանց բարձր մակարդակով: Հարվահանաձև գեղձերը արտադրում են ՊԹՀ ավելցուկով՝ փորձելով վերականգնել կալցիումի հավասարակշռությունը։ 3. Երրորդային հիպերպարաթիրեոզ: Զարգանում է, երբ երկրորդային հիպերպարաթիրեոզը երկար ժամանակ շարունակվում է, ինչը հանգեցնում է գեղձերի ինքնավար գերակտիվության, նույնիսկ այն դեպքում, երբ կալցիումի մակարդակը նորմալանում է։ Պարաթիրոիդ հորմոնի թերարտադրությունը կոչվում է հիպոպարաթիրեոզ: Հիպոպարաթիրեոզի պատճառներն են` 1. Պարանոցի կամ վահանաձև գեղձի վիրահատության ժամանակ հարվահանաձև գեղձերի վնասման, պատահական հեռացման կամ քայքայման հետևանք 2. Աուտոիմուն հիվանդություններ 3. Մագնեզիումի ցածր մակարդակ 4. Գլխի կամ պարանոցի ճառագայթային բուժում 5. Հազվադեպ՝ գեղձերի բնածին բացակայություն կամ ֆունկցիոնալ արատներ Հիպերպարաթիրեոզի ախտանիշներն են` 1. Հոգնածություն և ընդհանուր թուլություն (ամենահաճախ հանդիպող ախտանիշը) 2. Ոսկորների և հոդերի ցավ, օստեոպորոզ, փխրուն ոսկորներ և կոտրվածքներ 3. Մկանային թուլություն 4. Երիկամային քարեր և հնարավոր երիկամային հիվանդություն կամ երիկամային անբավարարություն 5. Հիշողության խնդիրներ, կենտրոնանալու դժվարություն, դեպրեսիա, անհանգստություն և տրամադրության փոփոխություններ 6. Ծարավի ավելացում և հաճախակի միզարձակում 7. Ստամոքս-աղիքային խնդիրներ, ինչպիսիք են սրտխառնոցը, փսխումը, ախորժակի կորուստը, փորկապությունը և որովայնի ցավը 8. Անքնություն կամ քնի դժվարություն 9. Գլխացավեր 10. Սրտի հետ կապված ախտանիշներ, ինչպիսիք են բարձր արյան ճնշումը, առիթմիաները և նախասրտերի ֆիբրիլյացիան: Հիպոպարաթիրեոզի ախտանիշներն են` 1. Մատների, ոտքերի մատների, շրթունքների և բերանի շուրջը ծակծկոցի կամ այրոցի զգացողություն (պարեստեզիա) 2. Մկանային ցավեր, ցնցումներ և ջղաձգումնե, որոնք երբեմն ազդում են ձեռքերի, ոտքերի, դեմքի և կոկորդի վրա 3. Հոգնածություն, թուլություն,հյուծվածություն 4. Գլխացավեր և հիշողության կամ կենտրոնացման խնդիրներ 5. Որովայնի ցավ 6. Չոր մաշկ, փխրուն եղունգներ, չոր մազեր, փխրուն ատամներ 7. Կատարակտ 8. Անհանգստություն, դյուրագրգռություն և տրամադրության փոփոխություններ: 9. Ծանր դեպքերում՝ ցնցումներ Երբեմն ախտանիշները թույլ են կամ բացակայում են և հարվահանաձև գեղձի խնդիրները հայտնաբերվում են արյան ռուտին հետազոտությունների միջոցով։